Ավելորդ քաշի խնդրին բախվում են գրեթե բոլորը: Շատ հաճախ դիետաներն անօգուտ են լինում, սակայն ո՞րն է դրա պատճառը:
BlogNews-ը ձեզ է ներկայացնում 10 պատճառ, թե ինչու եք դուք քաշ հավաքում կամ չեք կարողանում նիհարել:
1. Դուք չեք նախաճաշում
Կամ էլ սխալ եք նախաճաշում: Լիարժեք և առողջ նախաճաշը նպաստում է օրգանիզմի կարգավորված աշխատանքին, իսկ, այ, օրվա ընթացքում մանր-մունր ինչ-որ բաներ ուտելը վատ է անդրադառնում ձեզ վրա, քաշի ավելցուկի հանգեցնում:
2. Դուք օրվա մեջ 7-9 ժամ չեք քնում
Քիչ քնող մարդու օրգանիզմում նկատվում է կորտիզոլ հորմոնի մակարդակի բարձրացում, որը պատասխանատու է քաշ հավաքելու համար: Այդ իսկ պատճառով էլ ոչ բավականաչափ քնելը հանգեցնում է քաշի ավելցուկի:
3. Դուք 4 պատի ներսում եք նստում
Կապ չունի՝ որտեղ՝ տանը, թե աշխատանքի վայրում: Մաքուր օդի և արևի լույսի պակասը բացասաբար է անդրադառնում ձեր քաշի վրա: Ի դեպ, արևի լույսն ակտիվացնում է նյութափոխանակությունը, ուստի ավելի հաճախ դուրս եկեք:
4. Դուք ուշադրություն չեք դարձնում ձեր ննջարանի մաքրությանը
Սա կապված է բավականաչափ քնելու կետի հետ: Իսկ լավ և առողջ քուն ունենալու վրա մեծապես ազդում է այն տարածքը, որտեղ մենք քնում ենք:
5. Դուք չեք կշռվում ամեն օր
Ամեն օր կշռվել ամեն դեպքում պետք է, այսպիսով դուք հետևում եք ընդհանուր տենդենցին և ունակ եք լինում ժամանակին համապատասխան միջոցներ ձեռնարկելու կամ էլ անօգուտներից ազատվելու:
6. Դուք ճաշի սեղանից մի փոքր քաղցած չեք վեր կենում
Կա մի չգրված կանոն. «Սեղանից պետք է վեր կենալ սովի թեթևակի զգացումով»: Այսպիսով դուք կխուսափեք չափից շատ ուտելուց:
7. Դուք մաքուր օդում ժամանակ չեք անցկացնում
Քայլելն օգնում է քաշ կորցնել, սա արդեն բազմիցս ապացուցված փաստ է:
8. Դուք 0 կալորիականության գազավորված ըմպելիքներ եք ըմպում (օրինակ՝ cola 0)
Եվ դուք դրան հավատո՞ւմ եք: Շաքարի սինթետիկ փոխարինիչ ասպարտամն, իհարկե, նվազեցնում է կալորիականությունը, սակայն դրան զուգահեռ ակտիվացնում է էստրոգեն հորմոնի արտադրությունը, ինչն էլ իր հերթին ազդում է քաշի ավելացման վրա:
9. Դուք մինչև ուշ գիշեր արթուն եք մնում՝ ինչ-որ բանով զբաղված
Մինչև ուշ գիշեր աշխատելը, դաս անելը, ֆիլմ դիտելը և այլն, բացասաբար է անդրադառնում ձեր կենտրոնական նյարդային համակարգի վրա, օրգանիզմը սթրեսի է ենթարկվում, ինչն էլ իր հերթին բերում է օրգանիզմում որոշ պրոսեցների խախտման և ավելորդ քաշի:
10. Դուք լույսը միացրած եք քնում
Ոչ մի դեպքում չի կարելի այսպես վարվել: Այսպիսով օրգանիզմը կարթնանա հոգնած և տանջված:
