Ներկայացնում ենք իրեր, որոնք պետք է մեկ տեր ունենան:
Շուրթերի փայլ և շրթներկ: Հեշտ է հերպեսի վիրուսով վարակվել, նույնիսկ եթե կրողը ցանի ակնհայտ նշան չունի՝ բերանի լորձաթաղանթի կամ թքի միջոցով: Երբ հերպեսը կամ ցանն անցնի, ավելի լավ է՝ նոր փայլ կամ շրթներկ գնել, որ հիվանդությունը չկրկնվի:
Ականջակալ: Մարդու ականջում իր բակտերիալ ֆլորան կա: Ուրիշի ականջակալը դնելով՝ խախտում եք ֆլորայի նորմալ վիճակը, կարող եք կեղտը փոխանցել, ինչը կարող է ականջի վարակ առաջացնել:
Մազակալներ, բիգուդի: Այս պարագաներն ուրիշին տալու դեպքում կարող են ոջիլներ և սնկեր փոխանցվել:
Դեզոդորանտ: Նույնիսկ հակաբակտերիալ հատկություններով դեզոդորանտի մարմնին հպվող մասի վրա կարող են բակտերիաներ լինել: Դրանք առաջացնում են քրտնքի հոտը:
Սրբիչ: Նույնիսկ եթե մարդն առողջ է, լոգարանում բարձր խոնավությունը խոնավ գործվածքն աստիճանաբար իդեալական միջավայր է դարձնում բորբոսի, բակտերիաների և սնկերի բազմացման համար: Սրբիչը ցանկալի է փոխել 3-4 օրը մեկ:
Մատնահարդարման և կոմեստիկ պարագաներ: Դրանց վրա կարող են աչքի համար անտեսանելի արյան փոքր կաթիլներ մնալ: Հնարավոր է՝ սնկային կամ հերպեսի վարակ անցնի:
Մաշկի խնամքի աքսեսուարներ: Դրանց վրա կուտակվում են բակտերիաներ և մաշկի մանր մասնիկներ: Դա կարող է պզուկներ և դեմքի թեփ առաջացնել:
Մի մոռացեք օգտագործելուց հետո պարագաներն օճառաջրով լվալ: Ցանկալի է դրանք 2-3 ամիս մեկ փոխել:
Տնային կոշիկ: Կոշիկի մեջ ոտքերը քրտնում են՝ մեծացնելով սնկի առաջացման ռիսկը: Սնկի առաջացմանը և բակտերիաների բազմացմանը նպաստում է լոգանքից հետո թաց ոտքերով հողաթափեր հագնելը: Հողաթափերը փոխեք կես ամիսը մեկ:
