Medical Daily ամսագիրը հրապարակել է կարևոր հոդված այն մասին, թե որ դեղամիջոցները խառնելու դեպքում կարող են լուրջ խնդիրեր առաջանալ:
Հազի դեղեր և հակագիստամինայիններ: Հազի և ալերգիաների շատ դեղամիջոցներ վաճառվում են առանց դեղատոմսի: Այդ դեղերն ունեն նման բաղադրություն և երկու տեսակներն ընդունելու դեպքում կարող է առաջանալ բաղադրիչ մասերի մեծ չափաքանակ, ինչը շատ վտանգավոր է: Դեղերի խառնումը կարող է ունենալ խիստ քնաբեր ազդեցություն:
Հակադեպրեսանտներ և ցավազրկողներ: Այս դեղահաբերի խառնումը կարող է ստամոքսում ուժեղ արնահոսություն առաջացնել:
Հակամակարդիչներ և ասպիրին: Հակամակարդիչներն անհրաժեշտ են արյան մեջ թրոմբային գոյացությունների նվազեցման համար: Ասպիրինը ևս ունի նման ֆունկցիա: Այդ պատճառով երկու դեղամիջոցները խառնելիս կա ներքին և արտաքին արնահոսություն ունենալու վտանգ:
