Համացանցում հայտնվել է ուշագրավ տեսանյութ, որտեղ երևում է՝ ինչպես է Հյուսիսային Կորեայի առաջնորդ Կիմ Չեն Ընն ապրիլի 27-ին կայացած խաղաղության միջկորեական գագաթնաժողովի առաջին փուլից հետո հեռանում «Մերսեդես» մակնիշի սև ավտոմեքենայով՝ շրջապատված մեքենայի կողքից վազող 12 անվտանգության աշխատակիցներով, գրում է Daily Mail-ը:
Հայտնի է, որ Կիմը դուրս է եկել Հարավային Կորեայի նախագահ Մուն Չժե Ինի հետ բանակցություններից և նստել է լիմուզինը: Երբ մեքենան սկսել է շարժվել, թիկնապահներն անմիջապես սկսել են վազել իրար հետևից՝ հետևից ու կողքերից շրջապատելով մեքենան:
Twitter-ի օգտատերերը սկսել են ծաղրել տարօրինակ տեսանյութը, որն ամիջապես տարածվել է համացանցում:
Հիշեցնենք, որ Հյուսիսային և Հարավային Կորեաների առաջնորդներ Կիմ Չեն Ընն ու Մուն Չժե Ինը պատմական հանդիպում են ունեցել երկու պետությունների սահմանագծին՝ լրագրողների առջև իրար ողջունելով ու ձեռք սեղմելով: Դրանից հետո ղեկավարներն անցել են բուն բանակցային գործընթացին, որը տեղի է ունեցել սահմանային Պհանմունջոմ բնակավայրում:
Կիմ Չեն Ընը դարձել է վերջին 65 տարվա ընթացքում առաջին հյուսիսկորեացի առաջնորդը, որը հատել է սահմանն ու անցել Հարավային Կորեայի տարածք:
As Kim Jong Un drove away from the early session of his summit with South Korean President Moon Jae-in, 12 bodyguards were seen running beside the vehicle https://t.co/X8K3wEvsIW pic.twitter.com/XUJU3AM80d
— CNN International (@cnni) April 27, 2018
Աղբյուր՝ Tert.am