Ահա 9 գաղտնիք տղամարդկանց մասին, որ գիտի յուրաքանչյուր իմաստուն կին։ Դրանք օգտագործելով պրակտիկայում՝ ձեր տղամադրու մեջ կտեսնեք և՛ ձեզ սիրող մարդու, և՛ լավագույն ընկերոջ, և՛ կյանքի հուսալի ուղեկցի։
1. Տղամարդիկ չեն կարդում ձեր մտքերը
Տղամարդը չի կարող հասկանալ՝ ինչի մասին եք դուք մտածում, սակայն կանայք համառորեն փորձում են բազմիմաստ հայացքներով, հոգոցներով ու հևոցներով իրենց ուզածը հասկացնել տղամարդուն։ Պետք է պարզապես ասել այն, ինչ մտածում եք, միմյանց հետ եղեք անկեղծ, ուղիղ, առանց ձևականությունների։
2. Տղամարդիկ նույնպես ուզում են իրենց դերն ունենալ հարաբերություններում
Ի՞նչն է հասարակությունը գնահատում տղամարդկանց մեջ. նրանց ուժը, իր և իր ընտանիքի համար պատասխանատվություն կրելու ունակությունը, պաշտպանություն ու հենարան լինելը։ Բայց կանայք երբեմն զրկում են տղամարդուն այդ հնարավորությունից՝ փորձելով ամեն ինչ ինքնուրույն որոշել երկուսի փոխարեն։ Դա միանգամայն սխալ է։
3. Տղամարդիկ չեն սիրում քննադատությունն ու տանել չեն կարողանում օգնություն խնդրելը
Տղամարդը կխնդրի ձեր օգնությունը միայն այն դեպքում, երբ վերջնականապես կհամոզվի, որ գտնվում է անելանելի իրավիճակում, օրինակ՝ «ո՞ւր է իմ շագանակագույն գոտին»։ Չարժի նրան առաջարկել ձեր օգնությունը կամ քննադատել նրան։ Քննադատելու համար կառուցողական ու խելամիտ եղանակներ փնտրեք։ Ավելի հաճախ ոգևորեք նրան, ցույց տվեք, որ վստահում եք նրան ու համոզված եք, որ ինքնուրույն կարող է գլուխ բերել։
4. Տղամարդիկ լուծում են խնդիրները, ոչ թե քննարկում դրանք
Եթե ձեզ պետք է, որ ձեզ պարզապես լսեն, կարեկցեն ու օգնեն, դիմեք ձեր տղամարդուն։ Նրա ուղեղն անմիջապես կսկսի խնդիրները լուծելու եղանակներ փնտրել։
5. Տղամարդիկ ոչ միշտ են ուզում ամեն ինչի համար պատասխանատու լինել
Պետք է կոտրել այն կարծրատիպը, որ տղամարդն ունիվերսալ զինվոր է ու կարող է և պետք է անի ամեն հնարավոր բան։ Պետք է հասկանալ, որ նա սովորական մարդ է, ու կան բաներ, որոնցով զբաղվելն ամենևին նրանը չէ։
6. Տղամարդիկ սիրում են լավ սնվել ու գնահատում են լավ տնային տնտեսուհի կանանց
Հոգ տարեք ձեր տղամարդու մասին, զարմացրեք, գոհացրեք ու ուրախացրեք նրան՝ պատրաստելով նրա սիրելի համեղ կերակուրները։
7. Անձնական տարածքը տղամարդուն պետք է օդ ու ջրի նման
Հիշեք, որ երկրագունդը ձեր շուրջը չի պտտվում։ Տղամարդուն պետք է անձնական տարածք՝ իր գործերով զբաղվելու, ընկերներին հանդիպելու ու նախասիրությունների համար։ Հարգեք նրան, թույլ տվեք, որ տնօրինի իր ժամանակը։
8. Տղամարդը մեծ երեխա է, տարիքը կապ չունի
Այո, պետք է ընդունեք, որ տարբեր տեսակի խաղերը, անկախ նրա տարիքից, նրա համար մեծ երջանկություն են։
9. Տղամարդիկ էմոցիոնալ են, նույնիսկ եթե թվում է, թե այդպես չէ
Տղամարդիկ էլ կանանց նման կարողանում են զգալ, պարզապես չեն սիրում խոսել իրենց ապրումների մասին։ Ուշադրություն դարձրեք ոչ թե նրա բառերին, այլ՝ գործերին։
Բացի այդ՝ նրանք սիրում են հաճոյախոսություններ։
Աղբյուր՝ Blognews.am
