Գրեթե յուրաքանչյուր մարդ, ով տանը ունի սիրելի ընտանի կենդանի, բախվում է այս խնդրի հետ։ Արդեն մի քանի օր է մնացել ամանորին և հարկավոր է զարդարել տոնածառը։ Դուք ժամեր եք ծախսում այն զարդարելու համար քնում եք, արթնանում և տեսնում մի գեղեցիկ տեսարան։
Կատվին նույնպես դուր է եկել տոնածառը և նա որոշել է խաղալ նրա հետ։ Եվ ի՞նչ անել այդպիսի իրավիճակում։ Չէ որ ամեն օր հնարավոր չէ զարդարել տոնածառը։ Այսօր ուզում ենք առաջարկել մի հրաշալի տարբերակ, որը կապահովի ձեզ կրեատիվ տոնածառով, որը պատրաստված է ընդամենը ստվարաթղթից։
Այսպիսի տոնածառ դուք հաստատ չեք գտնի ձեր ընկերների տանը, բացի այդ էլ այն չի զբաղեցնում շատ տարածություն տանը։
Այսպիսով ձեզ հարկավոր է՝
- ստվարաթղթի կտոր,
- մատիտ,
- մկրատ,
- հաստ թել
- խաղալիքներ, կոճակներ և զարդարման համար նախատեսված այլ իրեր։
Ինչպե՞ս պատրաստել։
1. Ստվարաթղթի վրա գծեք և կտրեք մեծ չափերի շրջան։
2. Շրջանի վրա գծեք պարույրներ, սկսելով շրջանի կենտրոնից և կտրեք այն։
3. Պարույրների կենտրոնում կպցրեք թելը և ֆիքսեք առաստաղին։ Ցանկության դեպքում տոնածառը կարելի է ներկել ինչպես ցանկանում եք։
Աղբյուր՝ Hayinfo.net
