Այնուամենայնիվ, նա ցանկանում է մարդկանց զգուշացնել, թե ինչ չի կարելի անել Դուբայում։
Ճամպրուկը հավաքելիս ուշադիր եղեք
Դուբայ պոռնոգրաֆիկ տեսանյութեր կամ նկարներ, ինչպես նաև խոզի միս կամ թմրանյութեր տեղափոխելը խստիվ արգելվում է։ Պոռնոգրաֆիկ տեսանյութեր պարունակող 77 սկավառակ ունենալու համար ոստիկանները 2007 թվականին մի ճապոնացի զբոսաշրջիկի էին ձերբակալել։ Մեկ ուրիշն էլ բանտում էր հայտնվել գրպանում մի քանի գրամ մարիխուանա ունենալու համար։ Երբեմն սովորական դեղերը, այդ թվում՝ ցավազրկողները, նույնպես կարող են խնդիրներ առաջացնել։
Հագնվեք տեղի օրենքներին համապատասխան
Դուբայում կանայք պետք է համեստ հագնվեն, և պարտադիր պետք է ծածկված լինեն նրանց ձեռքերն ու ոտքերը։ Լողազգեստ կարելի է կրել բացառապես լողափերում կամ հյուրանոցների լողավազաններում։ Տղամարդիկ ևս պետք է ուշադրություն դարձնեն իրենց հագուկապին։ 2008-ին տեղի ոստիկանությունը 40 զբոսաշրջիկի էր ձերբակալել, ովքեր «անպարկեշտ» հագուստ էին կրում։
Դրսում մի կերեք և մի խմեք
Ռամադանի ժամանակ օրվա լուսավոր ժամերին արգելվում է դրսում ուտել՝ անկախ նրանից՝ մուսուլման եք, թե ոչ։ Հյուրանոցի ձեր սենյակում, իհարկե, կարող եք ուտել, սակայն ոչ մի դեպքում դրսում ոչինչ չուտեք և չխմեք։
Մի բարձրաձայնեք ձեր սեռական կողմնորոշման մասին
Դուբայի իշխանություններն ամենևին էլ կենտրոնացած չեն միասեռական զբոսաշրջիկներ գտնելու և պատժելու վրա, սակայն, այնուամենայնիվ, երկրում միասեռականությունն արգելված է։ Ամեն դեպքում խորհուրդ է տրվում Դուբայում չբացահայտել ձեր ոչ ստանդարտ սեռական կողմնորոշման մասին։
Ձեզ զուսպ և համեստ պահեք
Ըստ տեղի իշխանությունների հրապարակած կանոնների՝ հասարակական վայրերում համբուրվելը, միմյանց ձեռքերը բռնելը համարվում են անպարկեշտ։ Արգելվում է նաև բարձր երաժշտություն լսել կամ պարել։ 2005-ին բրիտանացի մի զույգ ստիպված եղավ մեկ ամիս բանտում անցկացնել, քանի որ ռեստորանում մի կին նկատել էր, թե ինչպես են նրանք համբուրվում, և բողոք էր ներկայացրել։
