Bestinfo.Am-ը ներկայացնում է`
Տրամվայ բարձրացավ մի զույգ: Տղամարդու ձեռքին մթերքներով լի կապոց կար: Հանկարծ կինը քաշքշում է այդ կապոցը և ասում.
- Նորից ես յոգուրտը մոռացել? ուրիշ կարագ ես վերցրել, երբ ես վերջապես հիշելու, որ ես պնդուկով և չամիչով շոկոլադ չեմ ուտում: Քո անուշադրությունը ինձ հունից հանում է:
Տղամարդը նյարդայնացած վերցնում է շոկոլադե սալիկն ու տրամվայի պատուհանից դուրս է նետում:
Դրանից մի րոպե առաջ ուրիշ տրամվայում…
Տրամվայ է մտնում մի երիտասարդ: Նա պատուհանի մոտ նստած մի գեղեցիկ աղջկա է նկատում: Կարծես դա սեր է առաջին հայացքից՝ չէ, որ նա երազում էր ամբողջ կյանքն ապրել այդպիսի կնոջ հետ: Երևի նախախնամությունն ինքն է նրան այդպիսի նվեր մատուցել: Տղան մի պահ կորցնում է խոսելու ունակությունը: Նայց նրան բաց թողնել չի կարելի, պետք է մի բան մտածել: Նա հավաքում է ողջ քաջությունը և մոտենում է աղջկան.
-Դուք այնքան գեղեցիկ եք… կարելի ձեզ հետ ծանոթանալ, իմ անունը Սերգեյ է:
Աղջիկը հայացք է գցում տղայի վրա. բարետես է: Նա տղայի շփոթվածությունից ու լարվածությունից զգում է, որ նա անկեղծ է, բայց նրա հետ հանդիպել միանգամից չի կարող և որոշում է նրա մտադրություններն իմանալու նպատակով մի փոքրիկ փորձություն կազմակերպել.
-Առանց շոկոլադե սալիկի չեմ ծանոթանում,- կատակով պատասխանում է աղջիկը:
Տղան շփոթված է. Քիչ է, որ նա աղքատ ուսանող է, այս պահին շոկոլադ որտեղից գտնի: Նա փորձում է ելք գտնել: Մի թե մի ինչ-որ շոկոլադի պատճառով նրան կկորցնի? Ինչ անել? Նա իրեն երբեք չի ների՝ եթե որևէ ելք չգտնի: Մտքում հուսահատությամբ արտաբերում էր. «Խնդրում եմ օգնեք»:
Այդ պահին անցնում է հանդիպակած տրամվայը և նրա պատուհանից թռչում է պնդուկով և չամիչով շոկոլադե սալիկը: Այն սկզբում կպնում է տղայի կրծքին, հետո ընկնում աղջկա ձեռքը: Երկուսն էլ ժպտում են: Ապագա երջանկության սկիզբը դրված է: Նրանք պատկերացում անգամ չունեին , թե որտեղից հայտնվեց այդ շոկոլադը, բայց այն անպայման պետք է հայտնվեր: Եթե որևէ մեկի կյանքում պետք է երջանկություն հայտնվի, ապա ոչ մի մանրունք դրան չի խանգարի:
Նյութը հրապարակման պատրաստեց Bestinfo.Am-ը