Նրա փորձած բոլոր զգեստները փոքր էին նրա վրա։ Քրիստինա Մայլզը կարողացավ մինչև հարսանիքի օրը 57 կգ նիհարել։ Այնուամենայնիվ, քաշի կտրուկ անկման պատճառով աղջկա մաշկի ավելորդ զանգվածը կախ էր ընկել։ Հարսանիքի օրը բոլորն ասում էին, որ Քրիստինան հրաշալի տեսք ունի, սակայն ոչ ոք չէր պատկերացնում՝ ինչ էր թաքնված հարսանեկան զգեստի տակ։
Այս մասին խոսելիս Քրիստինան ասել է.
Ես այնպիսի տպավորություն ունեի, ասես մեծ գաղտնիք էի թաքցնում հարսի զգեստիս տակ։ Ես թոշակառու տատիկի մարմին էի թաքցնում զգեստիս տակ։
Այժմ նա երեք երեխա ունի, որոնցից մեկը նախկին ամուսնուց է, իսկ երկուսը՝ ներկայիս ամուսնուց՝ Էշլիից։ Էշլիի հետ ամուսնության առաջին տարին պարզապես սարսափելի էր։ Քրիստինան այնքան էր բարդույթավորվում ավելորդ մաշկային զանգվածից, որ սկզբում ամուսնուն մոտ չէր թողնում։ Քրիստինան հիմա էլ է այն կարծիքին, որ քաշի կտրուկ անկումը կործանել է ոչ միայն իր կազմվածքը, այլև սեռական կյանքը։ Նա չի կարող իրեն թույլ տալ ավելորդ մաշկի հեռացման վիրահատության դիմել, քանի որ այդ վիրահատությունը շատ թանկ արժե։ Նա չի պատկերացնում, թե ինչպես կարող է շարունակել իր կյանքը։ Քրիստինան ասում է, որ իրեն բանտարկված է զգում սեփական մաշկի մեջ։ Քրիստինան մտածում է, որ ստիպված է լինելու նորից գիրանալ, որպեսզի մաշկն այլևս կախ չընկնի։ Իհարկե, ավելորդ զանգվածը հնարավոր է քողարկել զգեստի տակ, սակայն Քրիստինան չի ցանկանում անընդհատ թաքնվել զգեստի մեջ։