Աշնան առաջին օրերը կդիմավորենք թեժ ամառային ջերմային ֆոնով)։ Երևանում, Արարատյան դաշտում և Սյունիքի հովտային գոտում սեպտեմբերի առաջին օրերին ջերմաստիճանը կհասնի +38․․․+39 աստիճանի։

Առաջիկա սեպտեմբերը շոգ է լինելու: Կանխատեսումների համաձայն, օդի ջերմաստիճանը նորմայից բարձր կլինի 1-2 աստիճանով:

Այս մասին տեղեկացանք ՀՀ ԱԻՆ օդերեւութաբանության կենտրոնի պետ Գագիկ Սուրենյանից:

Նրա փոխանցմամբ, առաջիկա օրերին Հայաստանի տարածքում կպահպանվի արեւադարձային տաք օդային հոսանքների ներթափանցումը: Սեպտեմբերի առաջին օրերին Երեւանում, Արարատյան դաշտում եւ Սյունիքի հովտային գոտում ցերեկը ջերմաստիճանը կհասնի +38,+39 աստիճանի:

Գագիկ Սուրենյանը ներկայացրեց նաեւ սեպտեմբերի եղանակակլիմայական պայմանների կանխատեսումը` ըստ առանձին մարզերի:

Արարատի եւ Արմավիրի մարզեր, Արագածոտնի նախալեռներ 

Օդի ամսական միջին ջերմաստիճանը սպասվում է 21…22⁰C, որը 1-2 աստիճանով բարձր է բազմամյա միջին արժեքից:  Առանձին օրեր հնարավոր է  օդի  ջերմաստիճանի  բարձրացում. ցերեկը՝  մինչեւ  37…39⁰C, երրորդ տասնօրյակում` օդի ջերմաստիճանի նվազում` գիշերը մինչեւ 10…12⁰C (դիտված բազմամյա միջին բացարձակ նվազագույնը՝ 5…6⁰C, առավելագույնը՝ 34…35⁰C): Ամսական տեղումների քանակը ենթադրվում է նորմային մոտ (նորման` 7…10 մմ):

Շիրակի, Կոտայքի եւ Գեղարքունիքի մարզեր, Արագածոտնիմարզի լեռնային շրջաններ

Օդի ամսական միջին ջերմաստիճանը սպասվում է 12…15⁰C, որը 1-2 աստիճանով բարձր է բազմամյա միջին արժեքից: Առանձին օրեր հնարավոր է օդի ջերմաստիճանի բարձրացում ցերեկը`  մինչեւ  27…30<sup>0</sup>C, երրորդ տասնօրյակում` օդի ջերմաստիճանի նվազում, գիշերը մինչեւ 2…5⁰C (դիտված բազմամյա միջին բացարձակ նվազագույնը՝ -1…+2 ⁰C, առավելագույնը՝ 25…27⁰C): Ամսական տեղումների քանակը ենթադրվում է նորմային մոտ (նորման` 25…35 մմ):

Լոռու մարզ

Օդի ամսական միջին ջերմաստիճանը սպասվում է 14…16 ⁰C, որը 1-2 աստիճանով բարձր է բազմամյա միջին արժեքից: Առանձին օրեր  հնարավոր է օդի ջերմաստիճանի  բարձրացում ցերեկը` մինչեւ 28…31<sup>0</sup>C, երրորդ տասնօրյակում` օդի ջերմաստիճանի նվազում` գիշերը 2…6<sup>0</sup>C (դիտված բազմամյա միջին բացարձակ նվազագույնը՝ -1…+2 <sup>0</sup>C, առավելագույնը՝ 26…28 <sup>0</sup>C): Ամսական տեղումների քանակը ենթադրվում է նորմային մոտ  (նորման` 32…46 մմ):

Տավուշի մարզ

Օդի ամսական միջին ջերմաստիճանը սպասվում է 17…19 ⁰C, որը 1-2 աստիճանով բարձր է բազմամյա միջին արժեքից: Առանձին օրեր  հնարավոր է օդի ջերմաստիճանի բարձրացում ցերեկը`  մինչեւ 30…35<sup>0</sup>C, երրորդ տասնօրյակում ` օդի ջերմաստիճանի նվազում` գիշերը մինչեւ  5…10 <sup>0</sup>C (դիտված բազմամյա միջին բացարձակ նվազագույնը՝ 3…7<sup>0</sup>C, առավելագույնը՝ 28…29<sup>0</sup>C): Ամսական տեղումների քանակը ենթադրվում է նորմային մոտ (նորման` 38…40 մմ ):

Վայոց Ձորի մարզ

Օդի ամսական միջին ջերմաստիճանը սպասվում է նախալեռնային շրջաններում 21…23⁰C, լեռնային շրջաններում` 15…16<sup>0</sup>C, որը 1-2 աստիճանով բարձր է բազմամյա միջին արժեքից: Առանձին օրեր հնարավոր է օդի ջերմաստիճանի բարձրացում ցերեկը նախալեռնային շրջաններում մինչեւ` 37…39 ⁰C, լեռնային շրջաններում՝ 27…30⁰C, երրորդ տասնօրյակում օդի ջերմաստիճանի նվազում` գիշերը նախալեռնային շրջաններում մինչեւ` 10…12⁰C, լեռնային շրջաններում` 3…5<sup>0</sup>C (դիտված բազմամյա միջին բացարձակ նվազագույնը` նախալեռնային շրջաններում՝ 6…7⁰C, լեռնային շրջաններում՝ 0…+1⁰C, առավելագույնը` նախալեռնային շրջաններում 34…35<sup>0</sup>C, լեռնային շրջաններում՝ 24…25<sup>0</sup>C): Ամսական տեղումների  քանակը  ենթադրվում  է  նորմային մոտ  (նորման` նախալեռնային  շրջաններում  10…15 մմ,  լեռնային շրջաններում 22…23 մմ):

Սյունիքի մարզ

Օդի ամսական միջին ջերմաստիճանը սպասվում է հովտային շրջաններում 20…23⁰C, նախալեռնային շրջաններում` 14…16 <sup>0</sup>C, որը 1-2 աստիճանով բարձր է բազմամյա միջին արժեքից: Առանձին օրեր հնարավոր է օդի ջերմաստիճանի բարձրացում ցերեկը հովտային շրջաններում մինչեւ` 36…39⁰C, նախալեռնային  շրջաններում՝ 27…30⁰C, երրորդ տասնօրյակում` օդի ջերմաստիճանի նվազում` գիշերը հովտային շրջաններում մինչեւ` 7…10<sup>0</sup>C, նախալեռնային շրջաններում` 4…6⁰C (դիտված բազմամյա միջին բացարձակ նվազագույնը` հովտային շրջաններում՝ 7…9<sup>0</sup>C, նախալեռնային շրջաններում՝ 4…5<sup>0</sup>C, առավելագույնը` հովտային շրջաններում 32…34⁰C, նախալեռնային շրջաններում՝ 28…29⁰C): Ամսական տեղումների  քանակը  ենթադրվում  է  նորմային մոտ  (նորման` հովտային  շրջաններում  13…43 մմ, նախալեռնային շրջաններում 19…61 մմ):

Երեւան քաղաք

Օդի ամսական միջին ջերմաստիճանը սպասվում է 21…23⁰C, որը 1-2 աստիճանով բարձր է բազմամյա միջին արժեքից: Առանձին օրեր հնարավոր է օդի ջերմաստիճանի բարձրացում ցերեկը՝  մինչեւ  37…39⁰C, երրորդ տասնօրյակում`օդի ջերմաստիճանի նվազում` գիշերը մինչեւ 8…10⁰C (դիտված բազմամյա միջին բացարձակ նվազագույնը՝ 6…8⁰C, առավելագույնը՝ 34 ⁰C): Ամսական տեղումների քանակը ենթադրվում է նորմային մոտ (նորման` 9 մմ):

Աղբյուր՝ Armtimes.com