Arevelk.am-ը գրում է.
Սիրիայի հյուսիսում ընթացող մարտերի ժամանակ ամիսներ առաջ սպանվել է Քրդական զինյալ ջոկատների անդամ, 22-ամյա Ասյա Ռամազան Անտարը: Իր գեղեցկությամբ նշանավոր դերասանուհուն նմանվելու պատճառով նրան կոչում էին «քրդերի Անջելինա Ջոլի»: Քուրդ զինյալ աղջիկը սպանվել է Ջարաբլուսից ոչ հեռու Մանբեջ քաղաքի մոտ՝ «Իսլամական պետության» դեմ մղված թեժ մարտերի ընթացքում: Ղամիշլիում ծնված երիտասարդ աղջիկը եղել է կանանց իրավունքների պաշտպան և վաղ տարիքից զենք է վերցրել ու անդամակցել քրդական զինված ջոկատներին:
