Այս բիկսվիթը կարող եմ նկարագրել երկու բառերով՝ նուրբ ու թեթև: Այն շատ հարմար է ինչպես տորթեր պատրաստելու, այդպես էլ ուղղակի՝ առանց որևէ հավելումների վայելելու համար:
Անհրաժեշտ բաղադրիչներ.
կաթ՝ 250մլ
կարագ՝ 50գ
փխրեցուցիչ՝ 2թ.գ.
շաքարավազ՝ 300գ
աղ՝ 0,5թ.գ.
ձու՝ 4 հատ
վանիլի շաքար՝ 10գ
ալյուր՝ 300գ
Պատրաստման եղանակ.
Խառնել ալյուրն ու փխրեցուցիչը, նաև աղն ու վանիլինը:
Կաթին ավելացնել կարագը և հասցնել եռման աստիճանի:
Չոր տարայի մեջ միացնել ձուն և շաքարավազը: Հարել՝ մինչ փքուն զանգված կստացվի:
Այնուհետև իջեցնել հարիչի արագությունը և ավելացնել տաք կաթի կեսը: Խառնել:
Ավելացնել ալյուրի կեսը և շարունակել հարել՝ ամենացածր արագությամբ:
Ավելացնել կաթի մյուս կեսը և ալյուրի մնացորդը, դանդաղ խառնել: Արդյունքում պիտի ստացվի թեթև օդային խմոր:
Տապակը ծածկել յուղաթղթով և մեջը լցնել խմորը:
Բիսկվիթն ուղարկել նախապես տաքացրած ջեռոցը և թխել 180 ջերմաստիճանի ներքո՝ 40 րոպե:
Շաքարի փոշի ցանեք և մատուցեք կամ էլ կրեմով տորթ պատրաստեք:
Բարի ախորժակ:
