Բաղադրիչներ
- սմբուկ — 2 հատ
- լոլիկ — 4 հատ
- պանիր — 200 գ
- սխտոր — 3-4 պճեղ
- կիտրոն — 1/2 հատ
- շաքարավազ — 1/3 թ/գ
- մաղադանոս — մի քանի ճյուղ
- համեմ — մի քանի ճյուղ
- աղ — ըստ ճաշակի
- սև պղպեղ — ըստ ճաշակի
- բուսայուղ — ըստ ճաշակի
Պատրաստման եղանակը` Սմբուկները լվանալ, երկարությամբ կտրատել 5մմ լայնության շերտերով՝ ծայրի մասից 1,5 սմ-ի չափով թողնելով ամբողջական: Ճիշտ կտրելու դեպքում սմբուկները պետք է ստանան հովհարի տեսք:
Սմբուկները համեմել աղ և պղպեղով: Պանրի մի մասը շերտատել, մյուս մասն անցկացնել քերիչով, լոլիկները շրջանակաձև կտրատել: Սմբուկի շերտերի արանքում տեղադրել 2-3 շերտ լոլիկ և 2 շերտ պանիր:
Լոլիկների մնացած մասը կեղևահանել, մանր կտրատել և լցնել բուսայուղով պատված թավայի մեջ, ավելացնել ճզմած սխտորը, շաքարավազը, աղը և կիտրոնից քամված հյութը՝ ըստ ճաշակի: Խառնելով եփել 7-10 րոպե:
Սմբուկները տեղավորել ջեռոցի տապակի վրա,վրան լցնել լոլիկի սոուսը և եփել ջեռոցում 20-25 րոպե 180 աստիճանում:
Վրան շաղ տալ քերած պանիրը, այնուհետև կրկին եփել ջեռոցում 5 րոպե, որպեսզի պանիրը հալչի:
Լոլիկով և պանրով լցոնված սմբուկ՝ հովհարի տեսքով:
