Խորոված — գրիլ հավի մսից

Բաղադրիչներ

• հավի կրծքամիս — 1 կգ
• բեկոն — 200 գր
• Մարինադի համար՝
• համեմ — 4-5 ճյուղ
• մաղադանոս — 4-5 ճյուղ
• սխտոր — 3-4 պճեղ
• ձիթայուղ — 100 մլ
• աղ — ըստ ճաշակի

Պատրաստման եղանակ

1. Չափաբաժինները՝ 4-6:
   Միսը 2 սմ լայնությամբ, 1 սմ հաստությամբ և 8-10 սմ երկարությամբ կտորներով կտրատում ենք և դնում մեծ ամանի մեջ: Մանրացնող սարքի մեջ ենք դնում մանր կտրատած կանաչիները, սխտորը, ձիթայուղն ու հարում այնքան, մինչև համասեռ սոուս ստանանք:
   
2. Սոուսը լցնում ենք մսի վրա, ըստ ճաշակի աղ ենք անում և ձեռքերով հավասարապես տարածում: Միսը գիշերը դնում ենք սառնարանի մեջ, որպեսզի մարինացվի:
   
3. Մսի կտորի վրա բեկոն ենք դնում, ռուլետաձև փաթաթում և հագցնում փայտիկի վրա (Կախված փայտիկի երկարությունից յուրաքանչյուրի վրա 4-5 ռուլետ ենք հագցնում):
   
4. Խորովածներն առանց կարագի տապակում ենք թավայի մեջ: Նախքան պատրաստ լինելը, մի քանի անգամ շրջում ենք, որպեսզի միսը բոլոր կողմերից տապակվի: Մատուցում ենք անմիջապես՝ տաք վիճակում:
   

Ի դեպ, կարելի է խորովածները նաև ջեռոցում պատրաստել՝ ցանցի վրա և գրիլ ռեժիմում: Եթե ջեռոցում եք պատրաստելու, ապա պետք է մի քանի ժամ առաջ փայտիկները ջրում թողնեք, որպեսզի դրանք ջեռոցում չվառվեն 🙂