Երևանում ծնված հնգյակից չորրորդ երեխան ևս մահացել է:
Այս մասին Tert.am-ի հետ զրույցում ասաց երեխաների հայրը՝ Վարդան Կարապետյանը` նշելով, որ երեխաների մասին այլևս հրապարակումներ չի ցանկանում անել:
«Երեխային՝ Աննային, տարել ենք «Սուրբ Աստվածամայր» բժշկական կենտրոն, որտեղ էլ հուլիսի 26-ին նա մահացավ»,-ասաց Կարապետյանը:
Ինչ վերաբերում է Ռոզիին, հայրն ասաց, որ նրա վիճակը շատ լավ է, երեխան շարունակում է մեծանալ, առողջական խնդիրներ չունի:
Հիշեցնենք, որ «Էրեբունի» բժշկական կենտրոնում մայիսի 3-ին՝ առավոտյան ժամը 04։00-ին լույս աշխարհ էր եկել հնգյակ՝ 4 աղջիկ, 1 տղա։ Աննան, Թեհմինեն, Ռոզին, Լիլիթը և Արան ծնվել էին Մեծամորում բնակվող Կարապետյանների ընտանիքում: Երեխաներից չորսը մահացել են:
Աղբյուր՝ Tert.am