Մի հագեք դրանք
Նորաձևության փորձագետ և հեռուստահաղորդավար, «10 տարով երիտասարդ» ծրագրի ոճաբան Կատյա Գերշունը պատմել է նորաձևության ահավոր հնացած միտումների, կանացի այն իրերի մասին, որոնք շտապ պետք է դուրս շպրտել զգեստապահարանից, կամ ծայրահեղ դեպքում ամենահեռավոր դարակը գցել։
- Տանկետկայով մարզակոշիկ
Սա արդեն ատավիզմ է։ Դրա ժամանակն անվերադարձ անցել է։ Սովորական մարզակոշիկ հագեք, առավել ևս, որ դրանց տեսականին շատ է․կեդեր, սնիկերսներ, սլիպոններ․․․
- Քթամասում պլատֆորմով բարձրակրունկ կոշիկ
Ընտրեք սովորական բարձրակրունկներ։ Եթե անհարմար է, ցածր կրունկով կոշիկ հագեք։
- Երկշերտ կիսաշրջազգեստ
Ներսում՝ կարճ տրիկոտաժե մինի, վերևից՝ երկար շիֆոն․․․
- Կոշիկի ու պայուսակի համադրություն
Անիմաստ է նույն երանգի կոշիկ ու պայուսակ փնտրելը։ Այս կանոնը չի գործում։ Հանդերձավորման բոլո՛ր մասերը պիտի իրար հետ խոսեն։
- Հետևից երկար, դեմից կարճ զգեստ/կիսաշրջազգեստ
- Ծաղկային մազակալներ, դեկորներով ռեզիններ
Եթե դեռ մազերին ռեզին եք կապում, հուսով եմ՝ միայն մարզադահլիճում կամ լողավազանում, թող դա լինի նորաձև՝ հեռախոսալարի նման ռեզին։
- Ամառային գործած երկարաճիտ կոշիկ
Նման իրն այլևս հրատապ չէ։
- Բրիջի
Կանացի զգեստապահարանի այս իրն անգամ մեկնաբանելն է դժվար։ Սա ոչ մի կնոջ չի սազում։ Հագեք կյուլոտներ՝ այսօր հրատապ և բոլորին սազող կարճ տաբատներ
- Մարմնագույն զուգագուլպա՝ փայլով կամ առանց դրա
Ընտրեք 8 դենից ոչ հաստ զուգագուլպա, որը համարյա ոտքին չի երևում։ Իսկ դա մեծ առավելություն է։