100 000 000 դոլար Վարդան Սիրմաքեշից՝ հայերին հայրենիք վերադարձնելու համար

Շվեյցարական Franck Muller ժամացույցի ընկերության նախագահ, հայազգի բարերար Վարդան Սիրմաքեշը նախաձեռնել է նոր նախագիծ ՝ «Build Armenia» հիմնադրամը, որին միացել են հայկական սփյուռքի ավելի քան մեկ տասնյակ գործարարներ:

Նախնական փուլում նախագծում կներդրվի մոտ 100 մլն դոլար։

«Ես կարծում եմ, որ Հայաստանում նոր էներգիան և օրենսդրական դաշտի բարելավումը կնպաստեն երկրում ներդրումների ավելացմանը, ինչը կարող է նպաստել մեծածավալ հայրենադարձությանը»,- ասել է Սիրմաքեշը՝ ընդգծելով, որ հայրենադարձներին կացարան կտրամադրվի և օգնություն կցուցաբերվի աշխատանքի տեղավորման հարցում:

Նրա խոսքով՝ հիմնադրամի գործունեությունը կզարգանա եվրոպական չափանիշներին համապատասխան։