Երբ անսպասելի հյուրեր եք ունենում, պետք չէ անհանգստանալ. այս համեղ ու արագ պատրաստվող խաչապուրիներն իսկական փրկություն կարող են լինել

Բաղադրությունը

  • Խմորի համար՝
  • ալյուր — 2-3 բաժակ
  • աղ — 1թ/գ
  • շաքարավազ — 1թ/գ
  • սոդա — 1թ/գ
  • կեֆիր — 190 մլ
  • բուսայուղ — 2 ճ/գ
  • Միջուկի համար՝
  • պանիր — 200 գր (չոր տեսակի)
  • կաթնաշոռ — 150 գր
  • աղ
  • պղպեղ սև

Պատրաստման եղանակ

Խառնեք ալյուրը, աղը, շաքարավազը և սոդան, ապա ավելացրեք կեֆիրը, բուսայուղը և խմոր հունցեք:
xachapuri-tavai-mej-2
xachapuri-tavai-mej-3
Պանիրն անցկացրեք մանր քերիչով և խառնեք կաթնաշոռի հետ, համեմեք աղ և պղպեղով՝ ըստ ճաշակի: Ստացված զանգվածը վերածեք միջին չափսի գնդերի:
xachapuri-tavai-mej-4
Խմորը նույնպես բաժանեք միջին չափսի գնդերի՝ քանակով 2 անգամ ավել, քան պանրային գնդիկները:
xachapuri-tavai-mej-5
Խմորի ամեն գունդը գրտնակով կլոր բացեք:
xachapuri-tavai-mej-6
Խմորի բացված շերտի վրա դրեք պանրի գունդը, ապա ծածկեք խմորի ևս մեկ շերտով:
xachapuri-tavai-mej-7
Ամրացրեք խմորի ծայրի մասերը, ապա գրտնակով հավասարեցրեք պանիրը խմորի ամբողջ տարածքով:
xachapuri-tavai-mej-8
Թավայի մեջ լցրեք շատ քիչ բուսայուղ և տապակեք խաչապուրիները նվազագույնը 3-ական րոպե ամեն կողմից:
xachapuri-tavai-mej-9
Տապակվելու ընթացքում փակեք թավայի կափարիչը:
xachapuri-tavai-mej-11Ինչպես տեսանք, թավայի մեջ խաչապուրին հատուկ ստեղծված է այն պահերի համար, երբ պատահական հյուր է եկել, և պետք է կողմնորոշվել հյուրասիրության հարցում: Նման դեպքերում անմիջապես հիշեք այս խաչապուրիի մասին: Այն ձեզ կփրկի, իսկ հյուրերը շատ գոհ կմնան, քանի որ այն պարզապես հալչում է բերանում:

Աղբյուր