Տասը տարեկանից ծեծուջարդ, 14 տարեկանից՝ սեռական ոտնձգություն. Մալախովի թոք շոուի ժամանակ սկանդալային մանրամասներ են ի հայտ եկել Միխայիլ Խաչատուրյանի սպանության գործով

Ռուս հայտնի հաղորդավար Անդրեյ Մալախովի «Ուղիղ եթեր» թոք շոուի հերթական հաղորդումներից մեկը նվիրված է եղել հուլիսի 27-ին Մոսկվայում տեղի ունեցած սպանության զարհուրելի դեպքին՝ 17, 18,19 տարեկան քույրերի՝ Կրիստինա, Անգելինա, Մարիա Խաչատուրյանների կողմից 57-ամյա հոր՝ Միխայիլ Խաչատուրյանի դաժան սպանությանը:

Հաղորդմանը հյուրընկալվել էր սպանվածի նախկին զոքանչը՝ մոլդովացի Լարիսա Տոդիկան, որը պատմել է, որ փեսան «իսկական հրեշ էր, իր դստերն ամուսնության ամենասկզբից ծեծում էր, բռնանում, ահուսարսափի մեջ էր պահում երեխաներին, նրանց սպառնում էր զենքով»:

Տոդիկան մանրամասնել է, որ «բարեպաշտ քրիստոնյայի դիմակի տակ թաքնված Խաչատուրյանն իրականում վտանգավոր մարդ էր», որը դուստրերին թույլ չէր տալիս հանդիպել մորն ու մայրական կողմի բարեկամներին:

Հաղորդման շրջանակում ցուցադրվել են սպանության վայրում ՝ Խաչատուրյանների բնակարանում արված բացառիկ կադրեր, որոնցում սպանվածի քրոջորդին՝ Արսենը, պաշտպանելով քեռուն, նկատել է, որ նա բարեպաշտ մարդ էր, խիստ հայր ու ամեն ինչում շատ պահանջկոտ էր:

Երիտասարդի պնդմամբ՝ հայրը ձգտում էր ամեն ինչով ապահովել դուստրերին և միևնույն ժամանակ պահանջում էր նրանցից անթերի վարք: Արսենի խոսքով՝ Խաչատուրյան քույրերն անպիտան էին, անհնազանդ ու բարկացնում էին հորն իրենց վարքով, փնթիությամբ: Դա ապացուցելու համար տղան ցույց է տվել բնակարանում տիրող փնթիությունը:

Картинки по запросу сестры хачатурян

Այնուհետև խոսել է Խաչատուրյանների հարևաններից մեկը՝ մի տարեց կին, որի պատմելով՝ Միխայիլ Խաչատուրյանն «իսկական հանցագործ էր, որն ահաբեկում էր բոլորին»:

«Մի անգամ՝ 2013թ. ձմռանը, երբ մոտեցա Խաչատուրյանին ու խնդրեցի մեքենան այնպես կայանել, որ մարդիկ կարողանան անցնել ու շենք մտնել, նա հանեց ատրճանակն ու պահեց գլխիս»,- վերհիշել է կինը՝ հավելելով, որ ոստիկանություն է կանչել, սակայն տղամարդն իրավապահների հետ հարցերը կարգավորել է գումարով:

Картинки по запросу сестры хачатурян

Հարևանուհին նաև պատմել է, որ Խաչատուրյանն առանց ամաչելու թմրանյութ էր վաճառում, ու շենքից բազմաթիվ անչափահասների թմրամոլ էր դարձրել:

Հաղորդման շրջանակում խոսել է քննչական մեկուսարանում աղջիկներին այցելության գնացած իրավապաշտպան Իվան Մելնիկովը։ Նա նշել է, որ քույրերի հետ զրույցում տեղեկացել է, որ հայրը մի անգամ նույնիսկ զենք է պահել հարևանների բողոքով իրենց տուն եկած ոստիկանների վրա, սակայն ինչպես և նախորդ դեպքերում կրկին անպատիժ է մնացել:

Թոք շոուի ժամանակ հնչեցվել է հոր՝ դուստրերից մեկին՝ Անգելինային ուղղված ձայնային հաղորդագրությունը, որում տղամարդը սեռական բնույթի գարշելի հայհոյանքներ է ասում աղջկան՝ սպառնալով նրան սեռական բռնության ենթարկել:

Картинки по запросу сестры хачатурян

Այնուհետև մեջբերվել է Անգելինայի՝ արդեն սպանությունից հետո արված հայտարարությունը, որում աղջիկն ասել է. «Ես ոչ մի բանի համար չեմ զղջում: Այլևս անհնար էր դիմանալ այն ամենին, ինչ նա էր մեզ հետ անում: Ավելի լավ է բանտում լինել, քան նրա հետ ապրել: Տասը տարեկանից ծեծուջարդ, 14 տարեկանից՝ սեռական ոտնձգություն: Երբ նա երեք տարի առաջ տնից վռնդեց մայրիկին, ամեն ինչ ավելի վատացավ: Նա տանը ոչինչ չէր անում, մեզ հրամաններ էր տալիս, արգելում էր դպրոց հաճախել: Ես ու կրտսեր քույրս նույն դասարանում էինք սովորում, ու անցած տարվա ընթացքում դպրոց ենք հաճախել 7 անգամ: Նա հոգեմետ դեղեր էր ընդունում, ինչից հետո ավելի ագրեսիվ էր դառնում: Կատարվածից 3 օր առաջ նա դուրս էր գրվել հոգեբուժարանից, որտեղ անցկացրել էր մեկ ամիս»:
Картинки по запросу сестры хачатурян

Իրավապաշտպաններից մեկը հավելել է, որ աղջիկներից երկուսը ենթարկվել են սեռական բռնության ու պատրաստ են այս մասին պատմել, սակայն, միևնույն ժամանակ, չեն ցանկանում դառը ճշմարտությամբ է՛լ ավելի մեծ ցավ պատճառել մորը:

Հաղորդման ժամանակ նաև նշվել է, որ Խաչատուրյանը սոցկայքերի միջոցով փորձել է կապ հաստատել դուստրերի համադասարանցիների հետ՝ սեռական բնույթի առաջարկներ անելով:

Աղբյուր