Օրերս տեղի ունեցավ Ռաֆֆի Ալթունյանի «Կյանքիս թագուհի» նոր երգի պրեմիերան: Տեսահոլովակի հերոսները Գնել Ուլիխանյանն ու կինն են: BRAVO.am-ի հետ զրույցում դերասանը խոսել է կնոջ դեբյուտի մասին, իսկ Աննան պատմել է, թե ինչպիսին է եղել ամուսնու արձագանքը:
«Ռաֆֆիի առաջարկը միանգամից եմ ընդունել, քանի որ ընկերներին չեն մերժում: Քննարկում էինք՝ ով կարող է լինել հերոսուհին, նաեւ կարեւորում էինք, որ խաղը բնական լինի: Գիտեի, որ Անուկին դուր կգա առաջարկս, Ռաֆֆին էլ միանգամից համաձայնեց»,-նշել է նա ու կեսկատակ-կեսլուրջ հավելել.«Իմ կողքին լինելով՝ կինս արդեն այս ոլորտում է: Կարծում եմ՝ ստացանք այն, ինչ ռեժիսորն էր ուզում»:
Գնել Ուլիխանյանը՝ կնոջ հետ
Աննա Դալլաքյանի խոսքով՝ ամուսինը շատ է օգնել իրեն նկարահանման ժամանակ.«Եթե նկատի ունենանք, որ դերասանուհի չեմ, կարծում եմ՝ գոհ է: Ինձ համար հետաքրքիր էր, քանի որ առաջին անգամ էի նկարահանվում, իսկ Գնելն այնպես էր անում, որ մոռանում էի տեսախցիկների մասին»:
Ի դեպ, տեսահոլովակի վերջին կադրում նկարահանվել է նաեւ Գնելի եւ Աննայի դուստրը.«Նա ամբողջ օրը մեր կողքին է եղել: Սա նաեւ մեր աղջկա առաջին նկարահանումն էր:)»,-եզրափակել է դերասանը:
