Բաղադրիչներ
- Խմորի համար՝
- շաքարավազ — 100գր
- մեղր — 100գր
- կարագ — 100գր
- ձու — 2 հատ
- սոդա — 1թ/գդ
- փխրեցուցիչ — 1թ/գդ
- կակաո — 100գր
- ալյուր — 350գր
- Կրեմի համար՝
- սերուցք 30-35% յուղայնությամբ — 600մլ
- շոկոլադ սև — 300գր
- Ջնարակի համար՝
- շոկոլադ սև — 100գր
- սերուցք մինչև 20% յուղայնությամբ — 50գր
- կարագ — 20գր
Պատրաստման եղանակ
- Կրեմի համար լցնում ենք սերուցքը կաթսայի մեջ, դնում կրակի վրա ու տաքացնում մինչև 45 աստիճան, ապա ավելացնում ենք կտրատված շոկոլադն ու խառնում:
Հանում ենք զանգվածը կրակի վրայից, թողնում որ սառչի, ապա հարում ենք մինչև ստացվի միատարր զանգված: Պատրաստի կրեմը տեղափոխում ենք սառնարան 2-3 ժամով:
- Առանձին ամանի մեջ խառնում ենք մեղրը, կարագն ու շաքարավազը և դնում ջրի գոլորշու վրա մինչև զանգվածի հալվելը:
Առանձին ամանի մեջ հարում ենք ձուն և ավելացնում ենք կարագային զանգվածի վրա, ապա ավելացնում ենք սոդան և խառնում, թողնում ենք զանգվածը ջրի գոլորշու վրա ևս 10 րոպե ու հանում գոլորշու վրայից: Ավելացնում ենք կակաոն, ալյուրն ու փխրեցուցիչը և հունցում փափուկ խմոր: Պատրաստի խմորը դնում ենք ցելոֆալի մեջ և տեղափոխում սառնարան 30-40 րոպեով:
Բաժանում ենք խմորը 15 գնդի:
Մեզ պետք կգա 3 նույն չափսի պերգամենտային թուղթ(2-ի վրա հերթականությամբ կգրտնակենք խմորը ու կթխենք ջեռոցում, իսկ 1-ի վրա կսառեցնենք պատրաստի կորժերը):
Պերգամենտային թղթի վրա շաղ ենք տալիս մի փոքր ալյուր, ապա վրան գրտնակում ենք խմորի գունդը, բացում և կտրում 18սմ տրամագծով շրջան:
Պատրաստի շերտերը պերգամենտային թղթով և կտրատված խմորի կտորներով դնում ենք ձևամանի մեջ և թխում ջեռոցում 5-7 րոպե 180 աստիճանում:
Պատրաստի կորժերը դնում ենք պերգամենտային թղթի վրա, որ սառչի իսկ թխված խմորի կտորները մանրացնում ենք բլենդերի միջոցով: - Ջնարակի համար լցնում ենք կաթսայի մեջ կտրատված շոկոլադը, կարագն ու սերուցքը, դնում միջին կրակի վրա(անընդհատ խառնելով) ու եփում մինչև շոկոլադի ամբողջական հալվելը:
Պատրաստի ջնարակը հանում ենք կրակի վրայից և թողնում որ սառչի:
- Ձևամանի կողքերը պատում ենք պերգամենտային թղթով, ապա ձևամանի մեջ դնում ենք թխված կորժը, վրան քսում կրեմ, ապա կրեմի վրա շաղ ենք տալիս մանրացված թխվածքի կտորները ու ծածկում հաջորդ կորժով:
Կրկնում ենք նույն գործողությունը մինչև կորժերն ավարտվեն, ապա տեղափոխում ենք տորթը սառնարան ամբողջ գիշեր:
Հաջորդ օրը հանում ենք տորթը ձևամանից, վրայից պոկում ենք պերգամենտային թուղթը, վրան լցնում ենք ջնարակը ու թողնում 2-3 ժամ:
- Պատրաստի տորթը կտրատում ենք և մատուցում տոնական սեղանին:
Շոկոլադե մեղրով տորթի ջնարակը կարող եք պատրաստել ինչպես սև, այնպես էլ սպիտակ շոկոլադից 🙂
Իսկ այստեղ գտեք եփովի խմորով դասական մեղրով տորթի բաղադրատոմսը:
