Ավելորդ կիլոգրամներից ազատվելու համար սննդաբանները ստեղծել են բազում դիետաներ ու համակարգեր, սակայն դրանցից ոչ բոլորն են թույլ տալիս կարճ ժամանակահատվածում հասնել ցանկալի արդյունքին:
Առհասարակ ավելորդ քաշից ազատվելը կարող է շատ բարդ թվալ, սակայն իրականում կան շատ արդյունավետ մեթոդներ, որոնց շնորհիվ կարելի է ձեռք բերել գեղեցիկ, ձիգ ու սլացիկ կազմվածք:
Ձեր ուշադրությանն ենք ներկայացնում այդ մեթոդներից մեկը, որը մշակել են բժիշկները: Այն նախատեսված է մեկ շաբաթվա համար և թույլ է տալիս ազատվել մինչև 10 կգ ավելորդ քաշից: Այս սննդակարգի համաձայն բեռնաթափման օրեր կարելի է կազմակերպել ամեն ամիս: Բոլոր ցուցումներին հետևելու դեպքում կարելի է առաջին շաբաթվա ընթացքում ազատվել 10 կգ ավելորդ քաշից, սակայն այնուհետև որոշ ժամանակ անց սննդակարգը կրկնելու դեպքում արդեն հնարավոր կլինի ազատվել առավելագույնը 3-4 կգ-ից:
Ինչպես մեկ շաբաթում ազատվել 10 կգ ավելորդ քաշից
1-ին օրը. հարկավոր է 1 շիշ հանքային ջուրը բաժանել 6 կամ 4 մասի և խմել օրվա ընթացքում:
2-րդ օրը. օրվա ընթացքում անհրաժեշտ է խմել 0.8 լիտր կաթ, իսկ ժամը 20-21:00-ին ուտել մեկ խնձոր:
3-րդ օրը. օրվա ընթացքում պետք է խմել 1 շիշ հանքային ջուր:
4-րդ օրը. սա բանջարեղենային օրն է, ուստի հարկավոր է մեկլիտրանոց տարրայի մեջ պատևաստել բանջարեղենային աղցան, բաժանել այն 3 մասի և ուտել օրվա ընթացքում: Կարելի է նաև օրվա ընթացքում խմել 2 բաժակ ջուր կամ 2 բաժակ ոչ քաղցր թեյ: Աղցանը պատրաստելու համար հարկավոր է կաղամբ, գազար, կանաչեղեն և 1 ճ.գ. որևէ բուսական յուղ:
5-րդ օրը. օրվա ընթացքում պետք է խմել 0.8 լիտր կաթ:
6-րդ օրը. նախաճաշին ուտել խաշած ձու և խմել կես բաժակ թեյ: Ժամը 11:00-ին խմել մի բաժակ բանջարեղենային արգանակ: Ճաշին ուտել 100 գրամ տավարի միս և 100 գրամ պահածոյացված կանաչ ոլոռ, իսկ հետճաշիկին, ընթրիքին և ժամը 21:00-ին՝ մեկական խնձոր:
7-րդ օրը. օրվա ընթացքում հարկավոր է ուտել 100 գրամ կաթնաշոռ, 2 բաժակ կաթ կամ 1 շիշ կեֆիր, իսկ երեկոյան խմել 1 բաժակ թեյ՝ առանց շաքարավազի:
Նյութի աղբյուրը՝ Tert.am Medicine