Bestinfo.Am-ը Ներկայացնում է՝
Սննդակարգը, որ առաջարկում ենք ձեր ուշադրությանը, բավական արդյունավետ է։ Այն հիմնվում է ածխաջրերից գրեթե լիակատար մերժման վրա, բայց միևնույն ժամանակ հավասարակշռված է։ Սնվելու նման ծրագիրը օգտակար է այն մարդկանց, որոնք մարսողական խնդիրներ ունեն և դժգոհ են իրենց մաշկի վիճակից։ Ընդամենը երկու շաբաթում դուք կնիհարեք, ավելի առողջ տեսք կունենաք ու առավել եռանդուն կզգաք ձեզ։ Զարմանալի է, բայց այդ ամենին հասնելու համար պետք է ընդամենը ամեն օր մեկը մյուսից համեղ մթերքներ ուտել․․․
Ձվային սննդակարգ
Երկուշաբթի
Նախաճաշ․ 1 նարինջ (կարելի է նաև գրեյփֆրութ, դեղձ, ծիրան, արքայախնձոր և նման այլ մրգեր, կարևորը՝ բանան չէ), 2 թխվածքաբլիթ (խոշոր աղացած ալյուրից կամ հացազգիներից), սուրճ կամ թեյ առանց շաքարի։
Ճաշ․ 1 նարինջ, 1 խաշած ձու, յոգուրտ կամ մածուն։
Ընթրիք․ 2 խաշած ձու, 2 պոմիդոր, 500 գ բանջարեղենային աղցան (կարելի է պարզապես վարունգ), 2 թխվածքաբլիթ։
Ինչպես տեսնում եք, սննդակարգը բավական հագեցած ընթրիք է ենթադրում, հետևաբար, ստիպված չեք լինի քնել գռգռացող որովայնով։ Նման սնունդ ընդունելիս անչափ կարևոր է շատ հեղուկ ընդունելն ու օրաբաժնից աղը բացառելը։ Աղի փոխարեն կարելի է օգտագործել շատ կանաչիներ կամ համեմունքներ, իսկ աղցանի, մսի, ձկան ու բանջարեղենի մեջ չաման ու պղպեղ օգտագործեք։
Երեքշաբթի
Նախաճաշ․ երկուշաբթիին հանգույն նախաճաշ։
Ճաշ․ 1 նարինջ, 1 խաշած ձու, յոգուրտ կամ մածուն, 2 թխվածքաբլիթ։
Ընթրիք․ 120 գ միս (ցանկալի է՝ տավարի միս), 1 պոմիդոր, 1 թխվածքաբլիթ։
Չորեքշաբթի
Նախաճաշ․ երկուշաբթիին հանգույն նախաճաշ։
Ճաշ․ 1 նարինջ, 1 խաշած ձու, յոգուրտ կամ մածուն, բաջարեղենի աղցան։
Ընթրիք․ 120 գ միս, 1 նարինջ, 1 թխվածքաբլիթ, թեյ կամ սուրճ։
Հինգշաբթի
Նախաճաշ․ երկուշաբթիին հանգույն նախաճաշ։
Ճաշ․ 120 գ անյուղ պանիր կամ կաթնաշոռ, 1 պոմիդոր, 1 թխվածքաբլիթ։
Ընթրիք․ 120 գ միս, 2 պոմիդոր, 1 խնձոր, 1 թխվածքաբլիթ։
Ուրբաթ
Նախաճաշ․ երկուշաբթիին հանգույն նախաճաշ։
Ճաշ․ 200 գ շոգեխաշած ձուկ, 1 պոմիդոր, 1 թխվածքաբլիթ։
Ընթրիք․ 500 գ խաշած կամ շոգեխաշած բանջարեղեն (գազար, սոխ, կաղամբ, կարտոֆիլ, լոբազգիներ), 1 խաշած ձու, 1 պոմիդոր։
Անակնկալ
Շաբաթ-կիրակի կարող եք սովորականի պես սնվել։ Կարևորը չափից դուրս շատ բան չուտեք ու ոգելից խմիչք չօգտագործեք, խուսափեք կոնսերվանտներով հարուստ մթերքներից և աղ չօգտագործեք։ Դուք նկատելիորեն կնիհարեք 15 օրում, ընդ որում ոչ բոլորին օրերին է պետք հետևել խիստ դիետայի․ հանգստյան օրերին ձեզ համար տոն է։ Հրաշալի է, չէ՞։
Սահմանափակ քանակությամբ ածխաջրերով սննդակարգը միշտ արդյունավետ է։ Երբ հասնում եք ցանկալի քաշին, անհրաժեշտ է շաբաթը մեկ, օրինակ երկուշաբթի, սնվել ներքոգրյալ ճաշացանկով, և այդ ժամանակ կորցրած քաշը չի վերականգնվի։
Նախաճաշ․ 2 բաժակ ջուր՝ կիրոնի հյութով,
Ճաշ․ 1 խաշած ձու, 1 թխվածքաբլիթ, 1 պոմիդոր, 1 խնձոր
Ընթրիք․ 1 խաշած ձու, 1 թխվածքաբլիթ, 1 պոմիդոր։
Այս պարզ և արդյունավետ դիետան իսկական փրկություն կլինի նրանց համար, ովքեր վաղուց են երազում ազատվել ավելորդ քաշից։ Այն 100 տոկոսով կօգնի, եթե ամեն ինչ ճիշտ անեք, ուստի շաբաթը 10-13 կգ կորցնելը լիովին իրատեսական է։
Նյութը հրապարակման պատրաստեց Bestinfo.Am-ը
