Ահա այդպիսի 5 ուտելիք․
Թթու պարունակող և ցիտրուսային մրգեր
Թթու պարունակող, ինչպես նաև բոլոր ցիտրուսային մրգերը քայքայում են ատամների էմալը՝ արտադրելով դեղնավուն բարակ շերտ, որը կազմված է կալցիումից և ֆոսֆատ բյուրեղներից։
Սուրճ
Սուրճ սիրողներ, ցավոք, ձեր ամենասիրելի ըմպելիքը խամրեցնում է ատամներն ու դեղնածություն առաջացնում։ Սուրճն իր մեջ տանիններ է պարունակում, ինչի պատճառով էլ սպիտակ ու գեղեցիկ ատամները տհաճ տեսք են ստանում։
Թեյ
Ասում են՝ որքան թունդ է թեյը, այնքան վնասակար է այն ձեր ատամների տեսքի համար։ Անգամ կանաչ թեյն է ատամներին դեղնած տեսք հաղորդում։
Քաղցրավենիք
Քաղցրավենիքը, բացի ատամներից, փոխում է նաև լեզվի գույնը։ Սակայն եթե ոչ շատ հաճախ եք քաղցր բաներ ուտում, ապա մտահոգվելու կարիք չունեք։
Էներգետիկ ըմպելիքներ
Էներգետիկ ըմպելիքները նույնպես քայքայում են էմալը՝ ատամներն ավելի խոցելի դարձնելով։ Նման ըմպելիքները կիտրոնաթթու են պարունակում, ինչն էլ ազդում է էմալի վրա և խամրեցնում ատամները։
Գինի
Ինչպես թեյն ու սուրճը, գինին նույնպես թթուներ և տանիններ է պարունակում իր մեջ, ինչն էլ ատամները դեղնացնում է։ Կարծում եք, որ սպիտակ գինին այդպիսի՞ն չէ։ Ամենևին։ Անկախ գույնից՝ գինին բացասաբար է ազդում ատամների տեսքի վրա։
Գազավորված ըմեպլիքներ
Առավել վնասակար են մուգ գույն ունեցող գազավորված ըմպելիքները։ Դրանք իրենց մեջ հատուկ գունային միացություններ են պարունակում, որոնք ոչ միայն դեղնացնում, այլ նաև մոխրագույն երանգ են տալիս ատամներին։
Իսկ ինչպե՞ս վարվել
Մի անհանգստացեք․ այս նշված ուտելիքներն ու ըմպելիքներն ամենևին էլ պետք չէ բացառել ձեր սննդակարգից։ Խորհուրդ է տրվում ըմպելիքներն ըմպել ձողիկներով, իսկ սուրճը՝ այնպիսի բաժակներով, որոնք կափարիչ ունեն։ Ուտելիքն էլ փորձեք արագ ծամել և կուլ տալ՝ սննդային մասնիկներին թույլ չտալով ներխուժել ատամների արանքների մեջ և քայքայել էմալը։
Սակայն, այնուամենայնիվ, ամենակարևորը ատամները լվանալն է։ Յուրաքանչյուր անգամ՝ որևէ բան ուտելուց հետո, անմիջապես լվացեք ատամները կամ գոնե ջրով ողողեք։ Եթե հետևեք կանոններին, ապա երբեք կարիք չեք ունենա սպիտակեցնելու ձեր ատամները։
Աղբյուր՝ BlogNews.am
