Ավելորդ քաշից ազատվելը կարող է բարդ խնդիր թվալ, սակայն գոյություն ունի մի բաղադրատոմս, որը կօգնի խթանել նյութափոխանակության գործընթացները՝ դրանով իսկ նպաստելով ավելորդ ճարպաշերտերի այրմանը: Այս ըմպելիքը, որը բաղկացած է ընդամենը 3 բաղադրիչից, կօգնի արագ ու արդյունավետ կերպով ազատվել ավելորդ կիլոգրամներից: Հարկ է հիշել, որ նյութափոխանակության գործընթացները խթանելու և արագացնելու համար լավագույն ժամանակահատվածը վաղ առավոտն է՝ անմիջապես արթնանալուց հետո: Սակայն մինչ այս ըմպելիքն օգտագործելը, հարկավոր է հաշվի առնել, որ այն հակացուցված է հղիներին և երեխային կրծքով կերակրող կանանց:
Բաղադրությունը.
- 800 մլ ջուր,
- դարչնի 1 ձողիկ,
- դափնու 3 տերև,
- 1 ոչ շատ լիքը թեյի գդալ կանաչ թեյ:
Պատրաստման եղանակը.
800 մլ եռացող ջրին ավելացնել դարչնի ձողիկը, դափնու տերևներն ու կանաչ թեյը, կաթսան կափարիչով ծածկել, թրմել 15 րոպե, այնուհետև քամել: Օգտագործման եղանակը. Թեյի առաջին բաժակը հարկավոր է խմել առավոտյան դատարկ ստամոքսին, երկրորդը՝ անմիջապես նախաճաշից հետո, իսկ երրորդը՝ երեկոյան քնելուց առաջ: Այս թեյն օրական երեք բաժակ խմելու դեպքում կօգնի արդյունավետ կերպով ազատվել ավելորդ ճարպաշերտերից՝ հատկապես որովայնի, գոտկատեղի և ոտքերի հատվածում: Ընդ որում՝ դրական արդյունքը նկատելի կլինի ընդամենը մեկ շաբաթ անց:
Այս թեյի բոլոր բաղադրիչներն այրում են ճարպը և խթանում նյութափոխանակությունը: Սակայն հարկ է հիշել, որ միայն թեյն անարդյունավետ կլինի, եթե մարդը չհետևի իր սննդակարգին և չլինի ֆիզիկապես բավականաչափ ակտիվ: Բացի այդ, հարկ է նշել, որ առողջական լուրջ խնդիրների և ուժեղ ցավերի դեպքում խորհուրդ է տրվում դիմել համապատասխան մասնագետի օգնությանը, քանի որ ինքնաբուժությունը կարող է խիստ վնասակար լինել առողջության համար:
Աղբյուր՝ Past.am