Դու ուզում ես նիհարել և դրա համար երեկոյան 6-ից հետո չե՞ս ուտում: Դու ամեն կերպ զսպում ես ուտելու քո ցանկությունը, բայց այդ դեպքում էլ անքնությու՞նն է քեզ տանջում: Այդ դեպքում ուշադիր կարդա այս նյութը և դու կբացահայտես 7 մթերք, որոնց օգտագործումը երբեք և ոչ մի դեպքում քեզ ավելորդ կիլոգրամներ չի բերի:
Ապուրներ. Ապուրն այն նույն ջրիկ ճաշն է, որը հայտնի է իր քիչ կալորիականությամբ, եթե համեմատենք փլավների ու տարբեր տապակաների հետ: Ապուրի բաղադրության մեծ մասը ջուրն է, իսկ այն քիչ բաղադրիչները, որոնցով եփվում է ապուրը, սովորաբար կազմում են բանջարեղենի մի քանի տեսակներն ու ձավարեղենը: Ապուրի «ջրառատ» լինելու շնորհիվ նյութափոխանակության պրոցեսը շատ արագ է կատարվում, ուստի թեթև բանջարեղենային ապուրը, անկախ այն ուտելու ժամից, չի կարող ավելացնել քո քաշը: Կարևոր է չափի զգացումը չկորցնել ու ապուրի մեջ բացառել ցանկացած տեսակի մսամթերք ու ճարպեր:
Կաղամբաթթու. Այս սննդատեսակը մեր բառապաշարի մեջ ավելի հայտնի է «մալականի թթու» անունով: Այս աղցանի մեջ բացարձակ ոչ մի տեսակի ճարպ և յուղ չկա, և ուրեմն՝ այն կարելի է օգտագործել անսահմանափակ քանակությամբ, թեև դրա կարիքը չի լինի, որովհետև կաղամբը հագեցնող է: Բացի դրանից՝ կաղամբը հրաշալի հակաօքսիդանտ է մեր օրգանիզմի համար և իմունիտետի անփոխարինելի աղբյուր՝ հատկապես ձմռանը: Այս աղցանը օգտագործելուց հետո դու անընդհատ ծարավի զգացում կունենաս ու դա հրաշալի․ չէ՞ որ շատ ջուրը միայն արագացնում է նիհարելու պրոցեսը:
Գազարի հյութ կամ աղցան։ Գազարը հարուստ է բետակարոտինով, որը մեր օրգանիզմի համար ստեղծում է վնասակար միկրոբները վերացնող բջիջներ: Այս արժանիքներից բացի՝ գազարն ունի ևս մեկ հրաշալի հատկանիշ․ այն ցածր կալորիականությամբ մթերք է ու հատկապես օգտակար է հում վիճակում: Այդ իսկ պատճառով այն քեզ անգամ մեկ գրամ ճարպ չի բերի, եթե դու այն օգտագործես երկու տարբերակով՝ թարմ հյութի տեսքով՝ չմոռանալով հեշտ մարսելու համար ավելացնել երկու կաթիլ բուսական յուղ, և քերիչով անցկացված տարբերակով՝ նորից չմոռանալով ձեթի մի քանի կաթիլ ավելացնել:
Յոգուրտներ։ Սա ևս հրաշալի տարբերակ է անհանգստացնող քաղցը հագեցնելու համար: Խուսափիր մրգային յոգուրտներից, որովհետև այդպիսինները սովորաբար բարձր կալորիականություն են ունենում, ընտրիր ցածր կալորիականությամբ յոգուրտներ, որոնց ճարպային մասը չի գերազանցի 1,5% -ը ու նաև շաքար քիչ են պարունակում: Այս տեսակի յոգուրտը ունակ է հագեցնելու քո քաղցի զգացողությունը ու նաև օգնելու քո աղեստամոքսային համակարգին ավելի արագ ու ճիշտ աշխատել: Չմոռանաս՝ պետք է խուսափել մեկից ավելի յոգուրտ օգտագործելուց, այլապես քո նիհարելու պլանները ջուրը կընկնեն:
Սև բողկ։ Հիմա դու պատկերցրեցիր նրա տհաճ հոտը, իսկ ահա եթե դու այն մաքրես, բարակ շերտերի կտրատես ու աղ ցանես և մի կողմ դնես, կես ժամ հետո այն ոչ մի տհաճ հոտ չի ունենա: Այս կերպ մշակված բողկը կարող ես բարակ կտրատել ու մի փոքր ձեթ ցողելուց հետո ուտել: Հրաշալի ու առողջարար այս աղցանը քեզ իսկապես երկար ժամանակով կազատի քաղցի զգացողույունից ու երբեք չի վնասի քո կազմվածքին:
Ցիտրուսներ։ Ամենաքիչ կալորիաներ պարունակող ցիտրուսը մանդարինն է, որին հաջորդում են նարինջն ու թուրինջը՝ գրեյպֆրուտ: Եթե դու ալերգիա չունես, ուրեմն կարող ես օգտագործել այս մրգերն անսահմանափակ քանակությամբ: Այս ցիտրուսազգիները ոչ միայն չեն ավելացնի քո քաշը, այլ նաև հրաշալի կերպով կբարելավեն քո իմունային համակարգը: Իր մեջ պարունակվող C, E, A վիտամինների, ցինկի և այլ օգտակար նյութերի շնորհիվ այս մրգերից յուրաքանչյուրը նպաստում է նաև մաշկի երիտասարդացմանը, իսկ թուրինջը նաև բարեհաջող կայրի քո ավելորդ ճարպերը:
Չրեղեն ու ընդեղեն։ Այս սննդատեսակները հրաշալի կերպով կհագեցնեն քո «համառ» քաղցը, բացի դրանից՝ ընկույզի մեջ մեծ քանակությամբ յոդ ու ֆոլաթթու է պարունակվում, չրեղենի մեջ՝ մեծ քանակությամբ վիտամիններ ու օգտակար նյութեր: Իսկ այս ամենը չեն կարող բարերար ազդեցություն չունենալ քո օրգանիզմի վրա: Բայց չմոռանաք չափի մասին. 100 գրամից ավելին հակացուցված է, եթե դու պլանավորում ես նիհարել:
.jpg)
