6 պարզ եղանակ` մեքենայի բենզինի ծախսը զգալիորեն նվազեցնելու համար

Հաշվի առնելով այն, որ բենզինը բավականին թանկ է, մենք մշտապես մտածում ենք, թե ինչպես է հնարավոր կրճատել այդ ծախսը։ Իզուր չէ, որ շատ մարդիկ պնդում են, որ բենզինի գումարը խնայելու համար լավագույն մեթոդը ոտքով ման գալն է։

BlogNews-ը հավաքել է փորձառու վարորդների 6 գաղտնիքներ, որոնք կօգնեն Ձեզ զգալիորեն կրճատել վառելիքի ծախսը։

Հետևեք մեքենայի վիճակին


Սարքին մեքենան արդյունավետ խնայողության գրավականներից է։ Եվ հնարավոր չէ պայքարել վառելիքի շատ ծախսի հետ, առանց պարբերաբար ստուգելի մեքենայի մեխանիզմների աշխատանքի արդյունավետությունը։

  • Ստուգեք օդի և վառելիքի ֆիլտրերը, քանի որ կեղտոտ ֆիլտրերի պատճառով բենզինի ծախսը կավելանա մոտ 4%-ով։
  • Օգտագործեք միայն Ձեր մեքենայի համար նախատեսված շարժիչի յուղ, քանի որ այդ կերպ կարող եք 2%-ով կրճատել վառելիքի ծախսը։
  • Ստուգեք մեքենայի անվադողերի ճնշումը և դա պահեք օպտիմալ մակարդակի վրա։ Ցածր ճնշմամբ անիվով վարելը ոչ միայն հավելյալ վառելիք է ծախսում, այլ նաև կրճատում է անիվի օգտագործման ժամկետը։ Պարբերաբար ճնշումը ստուգելով և կարգավորելով այն՝ դուք կխնայեք վառելիքի ծախսի 3%-ը։

Մի գերծանրաբեռնեք մեքենան


Ֆիզիկայի օրենքների համաձայն՝ մեքենայի քաշը ուղիղ համեմատական է վառելիքի ծախսին։ Դա նշանակում է, որ ինչքան ավելի թեթև լինի մեքենան, այնքան ավելի քիչ բենզին կծախսի։

Ձեր մեքենան մի դարձրեք պահեստ։ Հեռացրեք բոլոր ավելորդ իրերը, և առհասարակ, հեռացրեք այն ամենը, ինչը երբեք չեք օգտագործում։ Ամեն 100կգ հավելյալ զանգվածի համար մեքենան 0.4լ/100կմ ավել բենզին է ծասում։

Մի մոռացեք հանդարտ ընթացքի մասին


Վարելու ձևը ևս մեկ հանգամանք է, որը ազդում է բենզինի ծախսի վրա։ Եթե դուք կտրուկ արագանում և կտրուկ արգելակում եք, ապա մեծացնում եք վառելիքի ծախսը 30% — 40%-ով` համապատախանաբար մայրուղում և քաղաքում։

Հետևեք արագությանը


Հետևելով մեքենայի արագությանը՝ դուք կարող եք զգալիորեն նվազեցնել բենզինի ծախսը։ Այս ամենը նույնպես բացատրվում է ֆիզիկայով։ Արագության աճին համընթաց աճում է նաև աերոդինամիկայի գործակիցը, որը ցույց է տալիս մեքենայի վրա ազդող օդի դիմադրության ուժը։ Արագությանը հետևելու շնորհիվ դուք կարող եք կրճատել բենզինի ծախսը մինչև 17.5%։

Ավելի քիչ օգտագործեք կոնդիցիոները


Տաք եղանակը զգալիորեն նվազեցնում է վառելիքի ծախսը, սակայն կոնդիցիոները օգտագործելու դեպքում մեքենայի վառելիքի ծախսը կարող է աճել մինչև 25%-ով` կախված մեքենայի տեսակից։ Պարզապես բացեք պատուհանները և աշխատեք հնարավորինս քիչ օգտագործել օդափոխման համակարգը։

Հաշվի առեք մեքենայի շարժիչի տաքացման օպտիմալ ժամանակը


Ցուրտ եղանակը զգալիորեն ավելանում է բենզինի ծախսը։ -15 աստիճան ցրտի պարագայում մեքենայի ծասը ավելանում է 12%-ով, իսկ կարճ ուղևորությունների դեպքում` մինչև 22%։ Ժամանակակից բոլոր մեքենաները կարելի է վարել շարժիչը գործարկելուց արդեն 30 վայրկյան հետո, ինչի հաշվին կկարողանաք զգալի չափով վառելիք խնայել։ Առավել հանգիստ լինելու համար կարող եք տաքացնել մեքենան 3-5 րոպե, սակայն ոչ ավել։

Աղբյուր՝ Blognews.am