Ingredients
- Հիմքի համար՝
- ձու — 6 հատ
- շաքարավազ — 150 գր
- կակաո — 50 գր
- կարագ — ձևամանին քսելու համար
- Կրեմի համար՝
- շոկոլադ սև — 200 գր
- սերուցք 30-35% յուղայնությամբ — 200 մլ
Պատրաստման եղանակ
- Պատրաստում ենք շոկոլադե հիմքը: Ձվի սպիտակուցներն ու դեղնուցներն առանձնացնում ենք: Սպիտակուցները 75 գր շաքարավազի հետ լավ հարում ենք: Այնուհետև լավ հարում ենք դեղնուցներն ու մնացած շաքարավազը: Դեղնուցային զանգվածի մեջ լցնում ենք կակաոն և կրկին հարում: Այնուհետև կամաց-կամաց ավելացնում ենք սպիտակուցային զանգվածը: Ձևամանը կարագապատում ենք, հիմքը լցնում ենք յուղաթղթապատ ձևամանի մեջ և թխում նախօրոք 180 աստիճան տաքացրած ջեռոցում 30 րոպե:
- Պատրաստում ենք շոկոլադե կրեմը: Սերուցքը դնում ենք մարմանդ կրակին և եռացնում: Այնուհետև վերցնում ենք կրակի վրայից և սերուցքի մեջ ավելացնում ենք շոկոլադը: Խառնում ենք այնքան, մինչև ստանանք համասեռ զանգված:
Հիմքը 2 հավասար մասերի ենք բաժանում, առաջին շերտին կրեմ ենք քսում, դնում ենք երկրորդ շերտը և ամբողջ տորթը կրեմապատում ենք:
Տորթը 1 ժամով տեղափոխում ենք սառնարան:
- Վայելում ենք:
Իսկ Դուք փորձե՞լ եք առանց ալյուրի շոկոլադե տորթ պատրաստել 🙂