Դաշտանային ցիկլի ժամանակ կնոջ օրգանիզմը ավելի խոցելի է դառնում, սակայն կանանցից շատերը ուշադրություն չեն դարձնում այդ հանգամանքին և շարունակում են ապրել առաջվա պես: Գինեկոլոգները խորհուրդ են տալիս կանանց, որ վերջիններս ավելի ուշադիր լինեն այդ օրերին իրենց առողջության նկատմամբ:
Այսօր մենք ձեզ կպատմենք այն մասին, թե ինչ չի կարելի անել այդ օրերին.
Սպորտով զբաղվել
Որոշ կանայք ուշադրություն չեն դարձնում դաշտանի առկայությանը և վազում են մարզասրահ: Գինեկոլոգները խորհուրդ են տալիս խուսափել այս օրերին սպորտով զբաղվելուց, քանի որ այդ ժամանակ մեծանում է արյան հոսքը ներքին օրգաններում, ինչի հետևանքով կարող է արյունահոսություն առաջանալ:
Անկողնային ռեժիմ
Կանանցից շատերը դաշտանային ցիկլի առաջին օրերին նախնտրում են մնալ անկողնում` որովայնի շրջանում ցավեր ունենալու հետևանքով: Իրականում նման հանգիստ վիճակը խաթարում է արյան նորմալ հոսքը և ավելի է խորացնում ցավի զգացողությունը:
Լոգանք ընդունել
Ավելի լավ է այս օրերին խուսափել լոգանք ընդունելուց, քանի որ արգանդի վզիկը սովորականից ավելի լայնացած է լինում և մեծանում է տարբեր բակտերիաների ներս թափանցման հավանականությունը: Բացի այդ լոգանքը կարող է արյունահոսության պատճառ դառնալ:
Ակտիվ սեռական կյանք
Խիստ սննդառեժիմի հետևելը
Եթե խիստ սննդառեժիմի եք հետևում իդեալական կառուցվածք ունենալու համար, ապա մեկ օրով հրաժարվեք այդ ամենից, որպեսզի արյան կորստի հետևանքով ձեր ինքնազգացողությունը չվատանա:
Որոշ դեղահաբերի ընդունում
Դաշտանի ժամանակ վատանում է արյան մակարդելիությունը, ինչի հետևանքով պետք է խուսափել այնպիսի դեղամիջոցների ընդունումից, որոնք ազդում են արյան ձևավորման գործընթացի վրա: Նման դեղահաբերից են ասպիրինը և անալգինը: Նման դեպքերում ավելի ցանկալի է պարացետամոլի պարունակությամբ դեղահաբերի օգտագործումը:
Ալկոհոլի օգտագործում
Բժիշկները խորհուրդ են տալիս այդ օրերին բացառապես հրաժարվել ոգելից խմիչքների օգտագործումից: Ալկոհոլի օգտագործումը միայն վատացնում է կնոջ ինքնազգացողությունը: Այս ամենի փոխարեն խմեք հյութեր, թեյ և ջուր:
Հիգիենիկ տամպոնների չարաշահում
Հիգիենիկ տամպոնների օգտագործման հետևանքով կարող են բորբոքային գործընթացներ զարգանալ: Բացի այդ հիգիենիկ տամպոնների երկարատև օգտագործումը նպաստում է տաք միջավայրում արյան բջիջների քայքայմանը:
Աղի սնունդի չարաշահում
Կանանցից շատերը բողոքում են այդ օրերին այտուցներից, ինչից խուսափելու համար պետք է հրաժարվել աղի սնունդի օգտագործումից:
