50 տարեկան մի կին չէր ցանկանում իր տեղը զբաղեցնել ինքնաթիռում: Բանն այն էր, որ նրա տեղը սևամորթ տղամարդու կողքին էր: Դժգոհությունը չթաքցնելով՝ նա կանչեց ուղեկցորդուհուն և պահանջեց, որ իր տեղը փոխեն: Նրա փաստարկը պարզ էր.
«Ես չեմ կարող նստել այս սևամորթ տղամարդու կողքին»:
Ինչին ուղեկցորդուհին պատասխանեց.
«Սպասեք, ճշտեմ, արդյո՞ք ուրիշ ազատ տեղ կա»:
Որոշ ժամանակ անց ուղեկցորդուհին եկավ և ասաց.
«Տիկին, էկոնոմ կարգում ազատ տեղեր չկան, բայց ես կհարցնեմ անձնակազմի հրամանատարին՝ միգուցե հնարավոր լինի առաջին կարգում ինչ-որ բան անել»:
10 րոպե անց ուղեկցորդուհին եկավ և հայտնեց.
«Հրամանատարը հաստատեց, որ էկոնոմ կարգում տեղ չկա, բայց մեկ տեղ կա առաջին կարգում: Մեր ընկերության քաղաքականությունը թույլ չի տալիս էկոնոմ կարգի ուղևորներին տեղափոխել առաջին կարգ, բայց հաշվի առնելով այն փաստը, որ ինչ-որ մեկը չի ցանկանում նստել ՏՀԱՃ մարդու կողքին, հրամանատարը համաձայնեց առաջին կարգ տեղափոխվելու թույլտվություն տալ»:
Մինչ կինը կհասցներ ինչ-որ բան ասել, ուղեկցորդուհին ձեռքը մեկնեց դեպի սևամորթ տղամարդուն և ասաց.
«Այդ պատճառով, խնդրում եմ Ձեզ, հավաքեք Ձեր իրերը և եկեք հարմարավետ առաջին կարգ, քանի որ հրամանատարը չի ուզում, որպեսզի Դուք նստեք ՏՀԱՃ մարդու կողքին»:
Բոլոր ուղևորները, ովքեր լսեցին այդ խոսակցությունը, ծափահարեցին: