Դիմահարդարանքը պիտի ընդգծի կնոջ գեղեցկությունը։ Դա փաստ է։ Լինում են դեպքեր, սակայն, երբ դիմահարդարանքը հակառակ արդյունքի է հանգեցնում։ Շատ կանայք դիմահարդարում անելիս սխալներ են գործում, և այդ սխալների մասին չեն էլ իմանում։
Bestinfo.am-ը ներկայացնում է այն 7 հիմնական սխալները, որոնցից պիտի ձերբազատվեք, եթե չեք ուզում ձեր տարիքից ավելի մեծ երևալ։
1․ Կարմրաներկ
Անկասկած, կարմիր այտերը զգալիորեն փոխում են կնոջ դեմքը, բայց այստեղ պիտի զգույշ լինել։ Կարմրաներկի մուգ երանգները ձեր տարիքը մեծացնում են․ ինչպես ասում է ժողովրդական ասացվածքը՝ ունքը շինելու փոխարեն աչքն էլ են հանում։ Հենց դրա համար պետք է հրաժարվեք փայլատ և մուգ նրբերանգներից։
2․ Դարչնագույն ստվերաներկեր
Սա բոլորի թույլ տված ամենատարածված սխալներից մեկն է։ Դարչնագույն ստվերաներկերն աչքն ավելի արտահայտիչ են դարձնում, բայց ավաղ, միաժամանակ ընդգծում են կոպերի հոգնածությունը։ Դրա պատճառով հայացքի թարմությունը չքանում է։
3․ Աչքերի մատիտ
Ներքևի կոպը սև մատիտով ներկելը արտաքուստ նեղացնում է աչքերը։ Սա դիմահարդարանքի կոպիտ սխալներից մեկն է։ Եթե ուզում եք խիտ թարթիչների տպավորություն ստեղծել, որոշակի գծերով ներկեք արտևանունքների միջանկյալ հատվածը։
4․ Սևաներկ թարթիչների համար
Վերևի թարթիչների սևաներկը հայացքն ակնթարթորեն արտահայտիչ է դարձնում, բայց մյուս կողմից էլ ներքևի թարթիչներին արված սևաներկն ընդգծում է աչքերի շուրջ գոյացած կնճիռները։
5․ Աչքերի ստվերաներկ
Աչքերի ստվերաներկը, մյուս գույների համեմատ, ավելի դժվար է ներդաշնակել մաշկի գույնի հետ։ Կապույտ, դարչագույն, կանաչ կամ մանուշակագույն երանգներն ավելի լավ են նայվում։ Մինչդեռ սև ստվերաներկ օգտագործելիս ձեր տարիքը զգալիորեն մեծացնում եք։
6․ Հստակ գծեր
Եթե ձեզ թվում է՝ վերևի կոպին արված հստակ գիծը ձեր հայացքն առավել համարձակ է դարձնում, սխալվում եք։ Երբ գիծն ավելի մեղմ եք անում, դա հայացքին բնականություն է հաղորդում։ Իսկ հոծ հստակ գիծը ձեզ զգալիորեն ծերացնում է։
7․Շրթներկ
Ուրվագծային մատիտն օգնում է շուրթերի ձևն ընդգծելուն ու շրթներկն ամրացնելուն։ Եթե այն չի համընկնում փայլի կամ շրթներկի երանգին, դա ոչ միայն ձեզ կմեծացնի, այլև գռեհիկ տեսք կունենա։
Նյութը հրապարակման պատրաստեց Bestinfo.Am-ը