Սիլվան եւ Նորայրը Երեւանում առանձին են ապրում: Թե որքանով է փոխվել կյանքն ամուսնությունից հետո, երգչուհին ասել է.«Պատասխանատվության զգացումն է ավելացել։ Մնացած ամեն ինչ, կարելի է ասել, նույնն է:)»:
Պարզվում է՝ նորապսակները դեռեւս չեն մեկնել ամուսնական ճամփորդության. «Դեռ հստակ ընտրություն չենք կայացրել։ Նորայրը կրուիզի սիրահար է, իսկ ես՝ ավելի պասիվ հանգստի։): Կուզեի լինել այն երկրում, որտեղ դեռ չեմ եղել։ Հուսով եմ՝ կընտրենք երկկողմանի գոհացուցիչ տարբերակ։)»:
Անդրադառնալով ընտանիքի համալրմանը` Սիլվան նշել է, որ կցանկանա առաջնեկն աղջիկ լինի.«Երեխան Աստծո պարգեւ է. ես համաձայն կլինեմ նրա ցանկացած պարգեւի հետ»:
Ամուսնությունից հետո երգչուհին աշխատանքային դադար չի վերցրել, քանի որ անելիքները շատ են.«Այս տարի նախատեսում եմ նոր երգեր, տեսահոլովակ, իսկ հաջորդ տարի մենահամերգով հանդես կգամ Երեւանում, Մոսկվայում եւ Լոս Անջելեսում. դրանց նախապատրաստական աշխատանքներն արդեն սկսվել են»:
Աղբյուր՝ Bravo.am
