Ժամանակի ընթացքում լվացարանակոնքի կամ լոգարանի ջրհոսք համակարգում բավական քանակությամբ կեղտ ու աղբ է կուտակվում։ Եվ մի գեղեցիկ օր խցանումն այն աստիճան մեծ է լինում, որ ջուրն ի վիճակի չի լինում խողովակով անցնել։ Մի շտապեք ջրմուղագործ կանչել կամ վազել խանութ՝ զանազան մաքրող միջոցներ գնելու համար։ Մանավանդ, որ դրանցում պարունակվող քիմիական բաղադրությունից ինքը՝ Մենդելեևը կապշեր։
Bestinfo.am-ը ձեզ կհուշի՝ ինչպես տնային պայմաններում առանց ավելորդ ծախսերի պատրաստել խցանումը վերացնող մաքրող միջոց։ Տանտիրուհին միանշանակ ձեռքի տակ կունենա դրա համար անհրաժեշտ բաղադրամասերը։
Բաղադրամասեր
- 200 գ խմորի փխրեցուցիչ
- 200 գ աղ
- 150 մլ քացախ
- տաք ջուր
Պատրաստումը և կիրառումը
- Աղն ու փխրեցուցիչն իրար խառնեք։ Խառնուրդը խնամքով լցրեք ջրահեռացման խողովակի մեջ։ Տեղի կունենա քիմիական ռեակցիա, և միջոցը կսկսի փրփրել։
- Այնուհետև լցրեք տաք ջուր՝ խողովակները լվանալու համար։
- Պատրաստ է։ Այժմ արդեն հոսելու համար ջուրը խոչընդոտի չի հանդիպի։
- Շատ հիանալի եղանակ է։ Նման բաղադրամասերը նախընտրելի են նաև նրանով, որ չեն վնասում խողովակները։ Դրան գումարած, այս ձևով խցանումը վերացնելու համար շատ ժամանակ ու հատուկ սարքավորումներ չեն պահանջվում։
Նյութը հրապարակման պատրաստեց Bestinfo.Am-ը
